利是進帳少　新年冇Feel
樂基兒、周汶錡歲晚天橋衝刺

名模樂基兒及周汶錡昨日往中環國金出席手袋品牌開幕活動，樂基兒表示農曆新年仍未決定留港還是返三藩市陪家人，她笑言自己每年新年利是進帳都很低，因為甚少已婚朋友，而父母都十分洋化，不會派利是給她。

名模樂基兒及周汶錡昨日往中環國際金融中心出席手袋品牌Gherardini的開幕活動，並即場示範手袋。抱病在身的樂基兒表示可能早前往吉隆坡放假三星期，所以今年特別不習慣冬天，更不幸傷風發燒，人亦因此消瘦。

父母不派
問樂基兒農曆新年留港抑或返三藩市陪家人？她說：「重未confirm，不過就算喺邊度過年都冇乜利是𢭃，喺香港我又冇乜結咗婚嘅朋友，而我父母又成個鬼佬鬼婆咁，唔會派利是嘅。」最近有傳聞指全球多個地方會有災難，三藩市更屬地震帶，問她會否擔心？她說：「都唔驚嘅，三藩市所有屋都防震嘅，九歲時我試過做緊功課時發生地震，學校都有教我哋匿喺枱底或者門框附近。」

願望搵錢
周汶錡則透露剛從夏威夷及台灣工作回來，她指首次往夏威夷，算是寓工作於娛樂，她說：「喺沙灘睇人滑水已經好enjoy。」她並指新年願望是努力賺錢以及推出第二本書。
採訪：RitaLeung
攝影：RickyChan