自從《金枝慾孽》完結後，無綫近幾個月所播放的劇集均收視平平，為了力挽狂瀾，無綫決定為高收視劇集《戇夫成龍》拍攝續集，不過今次是拍時裝版，郭晉安飾演低下層的「儍仔旺」，宣萱則搖身一變成為大學生，但仍叫「老婆仔」。
無綫自去年十月播完劇集《金枝慾孽》後，緊接播映的多套劇集包括《爭分奪秒》、《楚漢驕雄》、《天涯俠醫》、《功夫足球》、《水滸無間道》及《我師傅係黃飛鴻》收視均表現一般，除了《楚》劇每周平均收視能突破三十點（約一百九十七萬觀眾）外，其餘劇集只能徘徊在二十四點至二十九點（約一百五十八萬至一百九十萬觀眾）之間。有見及此，無綫決定為創下高收視的喜劇《戇夫成龍》開拍續集，男主角郭晉安更需增肥二十磅，不勝無歸。
原班人馬拍新版
《戇夫成龍》於前年播映時，曾創下四十六點收視（約二百九十八萬觀眾）的成績，其續集將於四月開拍，主要由原班人馬上陣，不過今次是拍攝時裝版，劇情亦會重新構思，劇中郭晉安會繼續做儍仔阿旺，但故事以現今香港為背景，阿旺來自一個低下層家庭，自出娘胎便是儍仔，他在偶然機會下邂逅了大學生宣萱，其後在多番努力下，成功追求到聲言不會與儍仔談戀愛的宣萱。
揚言不望破紀錄
無綫戲劇分部助理總監梁家樹昨日接受電話訪問時說：「公司一早想開《戇夫成龍》續集，並唔係乜嘢救亡，好似《我師傅係黃飛鴻》一開就有二十九點，成績係相當唔錯啦！隔咗年幾先開呢齣劇，係因為劇本一直未搞好，因為個古仔好難發展落去，度嚟度去，最後決定改拍時裝版，重新發展一個新古仔出嚟，但安仔會繼續叫阿旺，宣萱就叫番老婆仔，除原班人馬外，又會加入黃宗澤做阿旺細佬。今次我哋選擇拍低下層的古仔，希望普羅市民會睇得有共鳴。」
對於重演阿旺救收視，郭晉安昨日接受電話訪問時說：「我都未知詳情，係早排台慶時公司同我講過話開時裝版，喺三月底四月開工，我只係知原班人馬做番。」
那麼安仔會否一如上次般增肥及剪薯頭裝以配合角色呢？他說：「公司未講，但已經預咗增肥二十磅，增肥好易，係減就難，上次我減咗成六個月，冇做纖體㗎，靠跑步減囉。剪頭髮都冇嘢呀，嗰個頭喺歐洲好in。」《戇》劇收視理想，不過安仔和宣萱表示不會因此增添壓力，亦沒想過要破收視紀錄。
楊婉儀無緣上陣
宣萱昨日在電話中說：「好難再破收視紀錄㗎，重要天時地利人和配合，我唔會有壓力，始終今次拍嘅唔係續集，之前我講過話唔拍續集，但今次係時裝，係另一樣嘢，只係卡士一樣。」問宣萱會否在拍攝前做足預備工夫？她笑說：「你講我至知做大學生，咁做大學生就要keep住後生至得啦。」
在上集《戇》劇中與飾演阿旺未婚妻的楊婉儀由於已懷身孕，故未能在《戇》時裝版中與阿旺再續前緣，昨日身在內地的楊婉儀說：「我嘅預產期係六月，生完佢哋都拍完，但我一定會去探班，亦會同監製講，希望畀我做個大肚婆角色啦。」
採訪：陳月媚、朱倬誼
