古巨基日前宣布將於三月七日開始在紅館舉行三場處男個唱，優先訂票在十八小時內已售罄，基仔昨日到紅館綵排港台頒獎禮時，笑言要在個唱「露啷啷」答謝歌迷，但他只是指喉嚨椗。
古巨基、何韻詩、陳奕迅、楊千嬅、梁詠琪（GiGi）及Twins等，昨午陸續抵達紅館為港台於晚上舉行的《第二十七屆十大中文金曲頒獎禮》綵排，千嬅因沒有化妝，戴上墨鏡匆匆步入後台，GiGi亦沒有化妝到場。
眾星在後台拜神祈求演出順利，獲頒金針獎的汪明荃則不斷吃燒豬，似乎十分肚餓。
古巨基接受訪問時提到其三月處男個唱的售票情況，他說：「我今日收到公司電話，話喺十八個鐘頭內啲優先訂飛已經賣晒，內部認購都超晒額，本來二十八號公開售票，𠵱家提前二十五號就賣飛。」問基仔可計劃加場？他說：「我都好期望，睇埋公開賣飛先啦，我已經開心到爆。」
基仔謂因紅館檔期問題，即使加場也不能加太多，問基仔如何答謝歌迷的支持？他說：「露啷啷啦！我指喉嚨椗呀，唱到行晒，唱到喉嚨啷啷都見到嗰種。如果可以加一倍嘅場數，我着斗零邊又點話，裏面咋！」
另外，有指何韻詩的過氣緋聞男友劉浩龍將接替她主持《勁歌金曲》，阿詩說：「朋友咋！一陣又過氣男友，一陣又緋聞男友，普通朋友呀。我有見佢過媽媽，係佢朋友都見過，唔明點解啲朋友成日出賣我。」對於陳文媛爆她綽號叫「總司令」，阿詩說：「我只係鍾意照顧朋友，又成日做派對搞手，大家咪叫我總司令囉！」
採訪、攝影：王連連
