賽馬投注額愈來愈低，之但係一百一十六間場外投注站就愈來愈多人，有冇咁吊詭？當然有。熟悉投注站人手同裝備嘅馬迷球迷六合彩迷都會知道，除咗投注人士、櫃台職員之外，家陣每個投注站都最少有一個保安員駐守門口，投注站裏面又最少有一個一比一紙板人，主要係推介是日嘅精選足智彩項目。
咁多人重未夠，馬會今日起再喺每個投注站入口加多個紙板保安員，寫上「請尊重自己，勿明知故犯」字句，馬會話，作用係警惕啲未夠秤嘅細路唔好入去落注。呢句標語都可圈可點，可以係警惕啲賭徒唔好沉迷賭博，亦可以係莊家好心勸喻賭仔唔好送錢畀佢使。投注站已經有真人保安員巡場，家陣又整件假保安員，唔通啲細路驚假人多過真人咩？
（圖）圖中左邊嗰位係假人，右邊嗰位先係真保安，真保安望住假保安唔知想點。
傳真︰2623-9278
電郵︰