「香港良心」陳方安生噚日聯同明星莫文蔚及廣播處處長朱培慶，聯手主持「聖誕老人愛心大行動」閉幕禮，記者當然唔放過機會，陳太都肯講兩句對趙紫陽嘅評價，但最後記者問佢點睇特首嘅施政報告，呢條簡直係「趕客」問題，原本行緊埋記者度嘅陳太一聽，笑住搖頭拒答，重即刻急急腳離開。
講番呢個活動，今年因為特別為南亞海嘯災情延長籌款期，籌到破紀錄嘅千六萬，其中七百幾萬幫本地十二個慈善團體，九百幾萬捐助陳太任副主席嘅聯合國兒童基金會，幫災區兒童。
（圖）陳太（中）同莫文蔚（右）及廣播處處長朱培慶（左）主持「聖誕老人愛心大行動」閉幕禮。 凌樹輝攝
傳真︰2623-9278
電郵︰