「房屋署𠵱家畀呢間公屋我，雖然交通唔係太方便，坐完地鐵要行二十分鐘，但最緊要係有地方住，唔想再打搞朋友，不過我都冇錢搬屋。」三十三歲的阿蘭歎道。
阿蘭與五歲女兒婷婷原居於內地，年前獲發單程證，惟因當時丈夫任職貿易公司，並在公司附設的宿舍居住，沒錢租屋，因此阿蘭母女一直留在內地。
直至去年四月，其五十五歲丈夫不幸中風入院，阿蘭遂與女兒匆匆來港照顧丈夫，並在友人長洲家中暫住。
「先生一直住醫院，需要長期卧床，只係右手可以郁少少，食嘢都要靠插喉，連說話都講唔到，醫生話佢有排都未出得院，康復機會都好微。」阿蘭一臉憂傷地說。
阿蘭表示，丈夫病後無法工作，母女依靠社會福利署每月發放綜援金維生，由於阿蘭經常要由長洲前往位於九龍的醫院探望丈夫，車費開支不菲，以致生活左支右絀，近日她獲房屋署編配公屋，可減輕其生活支出，惟她無力支付一筆龐大搬遷費。
「我問朋友借咗幾千蚊交屋租按金同埋第一個月租，不過水電、煤氣按金同其他雜費就未有着落，我都唔知點算。」阿蘭說。
阿蘭的個案由香港明愛社工轉介本報跟進。蘋果日報慈善基金有見阿蘭的困境，撥款六千元助她應付搬遷所需開支。
捐款編號：C1608
暖流熱線
電話：29908688
傳真：23702192
電郵：
網址：