戴德梁行月初發表全球寫字樓租用成本比拼報告，香港區排名全球第九，不過近日另有報道話，香港跌出十大。
負責人解釋，並非報告出錯，而係調查分兩組數，一組以呎租計，另一組以每個工作間計，由於香港人較歐洲人嬌小，加上寸金尺土，辦公室一般比歐洲地區細，所以計落成本低啲。
戴德梁行話，以工作間計嘅排名唔同，主要係先進國家辦公室，一般需要較多高科技產品同技術員工配合，個別市場策略，亦需較多附屬設施空間，因此面積較大，直接增加開支。
結論係，以工作間計，香港排行第十四，頭十三位主要係歐洲同美加等地區，只有日本例外。原來高頭大碼嘅洋人，會直接增加租用成本，而高科技係嘥錢嘅。