崔智友休學三年遭踢出校

三十歲嘅崔智友喺○一年入讀韓國漢陽大學人文科學系嘅電影部，但工作繁忙嘅佢喺○二年向學校申請休學，由於學校規定學生只能連續休學三年，所以三年冇返學嘅崔智友近日接獲學校通知，已被消除學籍。

被Dior睇中
另外，繼奧斯卡影后查理斯泰朗（CharlizeTheron）同陳慧琳後，品牌ParfumsChristianDior再邀請藝人擔任廣告女主角，而今次獲邀嘅就係憑韓劇《藍色生死戀》同《天國的階梯》風魔全亞洲嘅韓國天后崔智友。
崔智友憑住高企嘅人氣、氣質同豔光，被ParfumsChristianDior認定係最適合嘅女主角人選，其實崔智友同Dior今次嘅合作一早有迹可尋，上年十月崔智友去巴黎睇ChristianDior嘅時裝騷，早排又喺上海擔任模特兒行天橋。而今次崔智友為Dior護膚系列拍攝嘅電視同平面廣告，將會喺三月推出。