寰宇國際（1046）開拓製作業務後，曾發生多宗與藝人的爭拗，包括周星馳、甄妮及梁詠琪等，每次林小明太太、寰宇董事趙雪英便挺身而出，坊間對林太的印象是「不好惹」，在林小明眼中，與太太卻是天衣無縫的夢幻組合。
「廿幾年已知道彼此的長處同短處，互相配合，自動走位。」現時在寰宇，林小明負責對外開發工作；林太則看守大本營。
林小明說：「兩人亦曾商討角色交換，我哋都有傾過調番轉，因為我話佢嘅工作易做，佢亦話我嘅易做，但最後卻不了了之，原因是大家嘅性格適合處理唔同嘅事情，例如我嘅性格唔適合處理細微事情，要我做肯定冇佢做得咁好。相反同人吹水，搞咩嘢咩嘢，佢亦無咁嘅耐性」。
林太出身於地產經紀業，與林小明認識逾20年，林小明在80年代投資蛇舌草沖劑，不足1年便輸掉所有，更欠債10萬元，林太變賣首飾助林小明翻身，其後他們在旺角中心租了一個小舖位，經營影碟租賃生意，89年結婚。
提起胼手胝足一起創業的太太，林小明說：「話無拗撬，你都唔信啦，好難講邊個聽邊個話，睇吓邊個point強，講喺運作上嘅嘢，我唔會同佢拗，佢會鬧：『喂你搞啲乜嘢返嚟，搞到一鑊粥咁！』」對外甚為硬朗的林太，對着林小明似乎亦一視同仁。