鄉議局曾經請即將卸任嘅大律師公會主席陳景生，就地租嘅問題畀法律意見，發叔重讚資深大狀陳景生掂。不過，鄉議局又有新諗法，副主席張學明話，陳景生唔係「大清律例」嘅專家，不如請埋熟悉中國傳統嘅大狀胡鴻烈幫手。
而由於陳景生已經就地租糾紛嘅個案畀咗法律意見，所以需要先付七萬二千蚊畀陳景生。胡鴻烈嘅收費，時價平過陳景生好多，開會夾埋睇文件只收兩萬蚊。
鄉議局又要喺沙田起新局址，建築費大約要花七千萬蚊（政府唔收佢地價，真係明益鄉議局），但如果賣咗目前九龍塘嘅局址，頂多都係得六千萬，佢哋會考慮向海外鄉親籌錢，睇吓可否籌多一千萬啦。
傳真︰2623-9278
電郵︰