臨瞓前聽電台，主持講到何韻詩「告別中性打扮」，從前男女通吃，𠵱家變番個女仔Feminine得多，唔講唔覺，聽落又係。其實香港樂壇玩形象最叻，但怎玩都不及日本叻，硬道理卻是日本仔包裝叻亦相當重視實力，就算偶像派雞仔聲，一唱Live都叫做五音健全，呢方面台灣學得最足，就是蔡依林之流玩Live唱功舞功都一樣掂。梅姐徒弟們尚未見一個內外兼備，老套一句：真係仍須努力。
努力之餘當然繼續玩花臣。何韻詩就同Slazenger大玩Crossover，推出名為「豔光四射系列」，三款包括內側以格仔圖案作點綴的尖頭長Boot、平底仿麖皮鞋及貌似VansHalfCab的圓頭低筒Boot，全部玩花巧擺明Sell少女味，價錢都不過$300，都算抵玩。
查詢電話：28970502
