趙紫陽走了，他女兒說他自由了，呢個正好描述一個中國共產黨員嘅無奈，至死先可以重獲自由。
八方同趙紫陽有一面之緣，亦有一問之緣。當年佢接替胡耀邦出任中共總書記，不再擔任總理，京城上下嘅人都覺得好可惜，認為他當總理更適合。為此，趙紫陽同新領導喺人民大會堂舉行了一次別開生面嘅中外記者會，一邊同記者寒暄，一邊即時回答記者提問。
八方冇安排發問，但係都覺得機不可失，搶問了一條大家心中嘅問題，問他「大家都覺得你做總理比做總書記好，為甚麼你不繼續做總理呢？」
趙紫陽當時苦笑了一吓，回應話「做總理或者總書記都不可以由我自己決定，一切要服從黨安排」，大概係咁嘅意思，八方即時感受到佢身不由己嘅無奈，之後趙因八九民運被攻擊打壓，成為咗中共權力鬥爭嘅犧牲品，從此喪失埋行動自由，你話做共產黨員幾可悲呢！
傳真︰2623-9278
電郵︰