趙紫陽去世早有傳聞，噚日中國官方終於宣布死訊，但未有對金融市場帶來影響，投資者反而重視社保基金項懷誠來港會否帶來北水南調的好消息。恒指昨突破13600阻力，收報13621，升126點，但港股仍未度過危險期。
事實上，就算國內社保基金及保險資金可以投資香港，但始終是有限錢，除非國內肯開放資金自由行，否則港股好難再大炒特炒。大行對今年港股的預測，比較樂觀嘅都係睇16000左右，潛在回報約17%，對於食開大茶飯的對沖基金來說，可謂食之無味。
中信系近期頻頻有動作，繼中信泰富（267）增持大冶特殊鋼後，中信資源（1205）又話同加德士組華南合資油站公司，噚日中信21世紀（241）急升逾6%後停牌，話等待公布影響股價消息。有傳聞話，今次會獲注入出口報關系統的質檢網。
139控股（139）又話研究進軍澳門酒店及娛樂事業，想在濠賭炒風未破滅前分一杯羹。噚日股價炒高33.33%至0.044元，成交達3202萬元。其實早前已有消息，公司雖無意進軍濠賭業，但之前持有唔少濠賭股，令其投資組合大賺特賺，令股價由0.021元炒高至0.046元，累計升幅達1.2倍。不過隻股在0.04元之上蟹貨唔少，炒家唔易再將股價大幅推高。
黑客話，大戶可能要先震倉，震鬆啲蟹貨，否則難有突破。
銀建（171）有蠢動之勢，股價升2.52%至4.075元，成交達1.26億元。有消息話公司將再獲信達以筍價注入大額不良資產，潛在回報相當可觀。
阿虎