無綫、亞視、商台、港台及有線昨日分別派代表參加在政府大球場舉行的《公益金百萬行》，無綫總經理陳志雲率領全體女將，聯同今屆華裔小姐參加，美女如雲，楊思琦和朱凱婷更蹺着陳志雲手臂步行，看來甚獲寵愛。
至於亞視方面，無論高層、藝員亦全體總動員參加，聲勢浩蕩，陳煒笑說：「我哋比無綫嘅大家庭齊心啲，上下一心參與真係好難得，啲男仔係咪瞓唔醒呀？」
此外，有指無綫會製作節目《殘酷一叮》，內容與美國《一夜成名》相似，陳志雲昨日回應說：「節目係無綫全新構思製作，任何人識唱歌都可以參加，唔怕騎呢，形式會係台主制，有獎金，我哋重搵緊多啲贊助，希望可以唱一秒一百元，主持方面重未落實。」
採訪：卓寶花、胡比
攝影：陳偉權
