港股上周走勢繼續疲弱，跌勢雖略為放緩，恒指全周只下跌80點，但在前周大跌後，反彈乏力，短期仍有再下試13000至13200支持的可能性，相信一次較有力的反彈，會在短期試底後才出現。
不過，大市的中期調整已開始，即使反彈後，仍會繼續尋底，13000至13200若失守，要到12700才有支持，更悲觀的看法，係恒指有機會跌到去年6至8月12000至12500的密集區，才完成整個調整，建立底部後，下半年開展新升浪，向15500至16000進發。
事實上，恒指由高位14339回落，到上周三低位13352，下跌近1000點，跌幅6.8%，不算大，即使跌到12500，跌幅亦只12.8%，在一次牛市升浪中，仍係可接受水平。
去年5月中，恒指由10917回升，到去年12月初的14339，共上升3422點，若調整升幅0.5和0.618，恒指可見12628及12224。
筆者不認為熊市未完，對今年後市仍抱較樂觀看法，大市調整完成後，第一個入市目標係藍籌C輪，即使未能買到低位，或由低位已上升1倍，仍可追進，因為大市一開始新上升浪，藍籌C輪的升幅將會以5至10倍計，中線持有2到3個月，分分鐘賺到笑。
大市雖調整，但每日上升股仍多，炒股唔炒市係短期策略，除「濠」股外，個別實力及概念股，例如銀建國際（171）同彩星集團（635）等，都有逆市的大強勢，中國資源（661）在近日跌市中表現亦頗硬朗，有消息指公司與中國鐵道部合作，處理內地鐵路每年大量廢鋼的協商，進展良好，單係呢單生意，已可令公司盈利三級跳。
中國資源股價去年11月曾高見0.97元，之後出現較大幅度調整，近期由低位回升，形成上升三角形，若升破0.75元，短期量度升幅目標係0.98元。
中國資源已開展再生資源同環保業務，內地現時每年回收再生資源總值成450億元人民幣，中國資源的合夥人係中國國務院直屬企業，生意有保證，以中國資源市值約13億元，每年若能賺2億元，PE亦僅幾倍而已。
郭兆誠