楊采妮（Charlie）、曾華倩和羅霖等，昨日齊到九龍塘出席「全港兒童故事演講比賽」，擔任評判。Charlie表示南亞發生海嘯時，她正身在新西蘭度假，與海豚一起游水。
Charlie說：「當時我身在新西蘭，都冇開電話，所以唔知乜嘢事，我之前同朋友講過，話會去熱嘅地方玩，咁啲朋友以為我會去馬爾代夫嗰啲地方玩，咪猛留言畀我，不過我都係返到香港先知。我覺得𠵱家最好留意吓一啲貧窮地方，做定防預措施就好喇！」
而羅霖昨帶同兩個囝囝到場，對於老友楊羚近日在與纖體公司有合約的情況下意外懷孕一事，她說：「意外嘅嘢好難講，真係要體諒，一切順其自然啦！我知佢𠵱家好煩，都會打電話安慰佢，希望廣告商會體諒佢。」羅霖又表示因出席此活動，而被迫缺席莫文蔚母親出書的記者會，感到十分抱歉。
採訪：王連連 攝影：葉君海