美國《一夜成名》節目推出以來，成功捧紅不少偶像歌手，廣為人認識的孔慶翔（WilliamHung）更是其中的表表者。無綫有見及此，遂推出一個類似的歌唱比賽節目，暫名《殘酷一叮》，參賽者只要不被評判叮走，每唱一秒歌便有一百元獎金，藉以發掘更多香港偶像。
由香港移民到美國定居的孔慶翔，去年參加美國《全美偶像大選——一夜成名（AmericanIdol）》，雖然被叮出局兼被評判彈至體無完膚，卻因一句「Ialreadygavemybest,andIhavenoregretsatall.（我已盡了力，我毫無遺憾）」而成功出位，獲美國唱片公司賞識推出個人大碟及接拍電影，風頭一時無倆。無綫有見《一夜成名》節目如此成功，決定自行製作一個香港版《一夜成名》節目，積極發掘有潛質的HongKongIdol。
記者昨日致電無綫製作部助理總監何麗全時，他承認有此計劃說：「其實呢個歌唱比賽形式比較似無綫以前嘅《聲寶之夜》多啲，我哋會搵一啲專業嘅音樂人、唱片公司高層或者係歌手嚟擔任評判，參賽者唱得唔好嘅話，我哋會即時將佢哋叮走，但我哋今次有一個全新構思，就係但凡入到圍嘅參賽者，只要唱到一秒，就會有一百蚊獎金，唱到三十秒就有三千蚊，如此類推。我哋又會實行台主制，如果可以連續做到五、六次台主，分分鐘可以攞到幾十萬獎金。」
問到勝出者是否有機會晉身娛樂圈，獲無綫一紙合約時，何麗全說：「咁我哋每次都會邀請唱片公司嘅要員出席，佢哋都會趁機會發掘有潛質嘅歌手。」
據擔任此新節目監製的錢國偉透露，節目暫時定名《殘酷一叮》，預計本月底或下月初開始逢星期六晚播出，每集約半小時，下星期便會先行舉辦一個大型的甄選活動。
錢國偉說：「我哋呢個比賽係不限年齡嘅，無論男女老幼，只要有香港身份證嘅話都好歡迎佢哋參加，但入唔入到圍，當然要通過我哋嘅甄選先至知啦。至於主持方面，我哋希望搵一啲又唱得又識得窒吓人嘅人擔任，初步構思人選有李克勤、梁榮忠、阮兆祥同朱咪咪。另外，我哋每集都會搵唔同嘅歌手做嘉賓，到時啲台主可以搵歌手代佢哋唱，但歌手代唱幾多時間，就要扣番幾多獎金。」
而剛重返無綫的梁榮忠，昨日獲悉有機會擔任《殘酷一叮》主持時大感興奮，他說：「相信呢個節目會帶嚟新嘅衝擊，香港近十年嚟都未試過有呢類節目，現時入娛樂圈多數係透過《港姐》或者《新秀》，𠵱家正好為有志入娛樂圈嘅人士提供多一個途徑。
「而且今次連家庭主婦同各行各業嘅人士都可以參加，可以畀各階層朋友發揮佢哋表演慾，我覺得個構思相當好。」
採訪：戴彩煥
