現任保監專員袁銘輝做過特首私人秘書，不過，要佢去頂林煥光個位就機會不大，因為光仔話晒都係D8位，袁兄要跳級先至到位，況且佢一聽到八方問佢呢件事，佢即刻閃開，話講都係只講保險嘢。
咁就問保險啦。袁銘輝話，今次南亞海嘯大災難，其實保險公司唔係損失好重大，因為好多人都冇買保險，而佢最希望喺經過今次事件之後，香港人會提高保險意識，就算去澳門咁近都要買旅遊保險。
至於目前啲保險業從業員淨係識叫人買保險，乜嘢跟進服務都冇，袁專員話佢都覺得有問題，正同業界傾緊，叫佢哋一定要正視。
傳真︰2623-9278
電郵︰