向海嵐、王賢誌、王書麒和許秋怡等，前晚為無綫節目錄影，眾星分別邀請了親人上台表演，王賢誌因為邀請了向海嵐而揭發了她倆的表親關係，二人更合唱了一曲《好心好報》。
向海嵐、王賢誌、王書麒、許秋怡和戚黛黛等，前晚在無綫將軍澳電視廣播城錄影節目《卡拉屋企至激唱》，眾藝員為配合節目主題，均攜同家人上台唱歌，親情洋溢。
王賢誌更公開與向海嵐的親戚關係，原來向海嵐是其表姨，不過向海嵐強調她雖是長輩，但較王賢誌年輕，她說：「我哋係近幾年先認番，我年齡細過佢，有一次我媽咪撞到佢媽咪傾開先知。」王賢誌又說：「我同向海嵐喺加拿大讀書係同一間學校，我高佢幾班，以前唔識就係同事關係，𠵱家識咗，我哋多咗好多話題。」後來，向海嵐和王賢誌合唱了一曲《好心好報》。
而對唐安麒早前指摘曾贊助向海嵐纖體，可是後來她轉投第二間纖體公司，向海嵐說：「呢件事已經好耐，重攞出嚟講，得啖笑，我係去過減肥，但後來經理人幫我接咗第二間纖體公司，不過我係唔識佢（唐安麒）嘅。」
至於王書麒和許秋怡兩夫婦就合唱了《現代愛情故事》，他們更帶同一歲多兒子到場，秋怡說：「我之前去咗內地登台，交畀老公湊仔，因為老公冇成日幫佢換尿片，結果我返嚟見到囝囝嘅patpat爛晒，何B仔又流血，好彩𠵱家冇事，我已經開心過中六合彩。」
此外，戚黛黛亦和爸爸合唱，戚爸爸彈結他，為女兒伴唱，兩父女表現十分合拍。
採訪：王崇穎 攝影：仇志德
