老董下詔罪己令市民條氣順番少少，佢位細姪兼智囊陳智思卻認為阿董今勻太重手自抦，佢話泛聯盟曾經同董生講應該「查找不足」，因為願意而且勇於認錯先係有承擔嘅領袖，但估唔到董生出手咁重，陳智思話其實董生應該提番幾項為香港人做過嘅好事，八方問佢有啲乜，佢諗嚟諗去都係講CEPA同自由行。
英國《金融時報》喺星期三老董讀施政報告當日，好唔客氣咁叫老董下台，新聞處處長蔡瑩璧噚日去信該報反駁，內容老調重彈護主至上，重嚴正澄清老董唔會劈炮，未來兩年半會繼續堅定掌舵。
傳真︰2623-9278
電郵︰