名模Rosemary、陳小韻及陳沛嘉前晚往中環LouvreGallery演出內衣騷，其中陳小韻表示是次酬勞特別高才接受，並謂最擔心不慎走光，又指有時心血來潮都會在家穿性感內衣益男友。陳沛嘉則表示前晚不少嘉賓都是朋友，所以有點尷尬。
名模Rosemary、陳小韻及陳沛嘉等前晚往中環LouvreGallery演出LaPerla內衣騷，出席嘉賓則有趙金卿、馬詩慧和吳嘉龍等。幾位模特兒前晚示範極性感的內衣及新裝，其中以Rosemary及陳小韻演出比較自然，陳沛嘉則顯得有點緊張。
陳小韻坦承前晚酬勞特別高才答允演出，她說：「不過都有啲緊張，因為平時行騷會有個台，同觀眾點都有啲距離，但係今次直情係同啲觀眾擦身而過，我唔係怕啲奇怪眼光，最怕係穿崩走光啫。」她表示在家如心血來潮都會穿上性感誘惑內衣，問她是否穿來取悅男友？她說：「唔係，順其自然啫，如果突然間想着，咪益埋佢（指男友）囉。」
陳沛嘉則表示前晚演出在她的尺度來說已是十分性感，她說：「我畀自己七十五分，不過好多嘉賓都係識得嘅朋友，所以覺得有啲尷尬。」
此外，趙金卿透露聖誕節及新年在泰國及印度度過，她說：「一落機就俾朋友鬧，重去啲咁危險嘅地方，我本來聖誕直情喺布吉過，不過因為我有意退休後去泰國住，有朋友話有間屋想賣畀我，所以由布吉轉去曼谷，算係避咗一劫。」
採訪：RitaLeung
攝影：HoKwokHo
