任賢齊昨日以瑪莎拉蒂代言人身份，為全球限量五十部的新款跑車主持揭幕禮，小齊對這部價值六百萬、香港僅得四部的跑車甚有興趣，雖然無緣擁有，但亦可過一下試車癮。
任賢齊自成為名車瑪莎拉蒂的代言人後，不時有機會欣賞最新最貴跑車，最近忙在台灣宣傳新碟的小齊昨日特別乘早機來港，到淺水灣出席瑪莎拉蒂最新型號的超級跑車MC12發布會。
小齊駕着鮮黃色瑪莎拉蒂威風凜凜地進場，然後再與從意大利來港的瑪莎拉蒂董事長HerbertAdamczyk一同為MC12揭幕和試車，小齊還送了新碟《兩極》給對方欣賞。
車癡小齊甫見超級跑車，即興奮地笑說：「我真係流晒口水，好想買番架，可惜老闆話香港只得四架，而且又係左軚車，買番嚟都係收藏。」原來這款新車全球限量五十部，香港只分配到四部，售價六百多萬（未計保險），而昨日展示的一部已被賽車手關兆昌購得。
小齊說：「我屋企已經有四、五架車，可惜都冇乜時間開，試過有次我喺停車場洗車，其他住客見到，問我點解自己洗，有時揸唔到架車出去，同架車扮靚其實都係一種樂趣。」雖然小齊不能擁有這輛超級跑車，試車亦能滿足駕車癮，不過他說：「如果可以揸呢部車出街，就真係型爆。」
