薛凱琪、周國賢、林子瑄和郭力行昨日在九龍城一零食店出席港台《開心日報》舉辦的「開心送糖果活動」，四人與多位小朋友合作在限定時間內盡量拿取糖果，並將所得的轉贈給身邊有需要的人，以教導小朋友要懂得分享。
昨日不少郭力行的fans到場支持偶像，而薛凱琪及周國賢則非常受小孩的歡迎。薛凱琪表示非常喜歡小朋友，尤其是BB，每當她看見別人的BB，即有衝動想生一個。
薛凱琪笑說：「我好鍾意小朋友，覺得同天真無邪嘅佢哋溝通好開心。而我喺電影《早熟》入面都會扮演大肚婆，噚日我先試完造型，不過導演話我上圍唔係咁啱大肚婆嘅比例。」
問薛凱琪如何令上圍顯得豐滿些？她笑說：「佢哋要我墊pad，要加幾多個唔重要，最重要係個pad厚定薄啫，總之同我現有嘅身材會相差幾倍。」
