相信好多人睇過金庸小說，唔少重好沉迷㖭，其實作者對書本亦有一份依依情意，金庸接受今期《選擇》月刊訪問話，佢好鍾意行書店，尤其外國嘅舊書店，例如日本神殿區有幾百間舊書店，行一個星期都唔夠，而英國倫敦舊書店就好有悠閒氣氛……原來，佢老人家都好in，好鍾意網上書店，重喺Amazon網站買咗已經絕版嘅MacAulay嘅《HistoryofEngland》，之不過咁，佢話自己唔係珍藏家，如果有得揀，佢都會寧願買普通版，唔會買要六、七千蚊嘅特別版。
但八方對訪問最後嗰句最有同感，因為查大俠話「好睇嘅小說，吸引力好強，唔會放低；睇學術性或搞學問嘅書，吸引力無咁強，比較枯燥，通常睇睇呢本，睇睇嗰本。」
傳真︰2623-9278
電郵︰