陳鍵鋒去年因撞車而傷及頸部，半年來都沒有運動，直至近日復元才趁空閒積極跑步健身，希望令身體保持最佳狀態，日前他還在公園玩最愛的Rollerblade，大顯身手。
陳鍵鋒去年十分黑仔，一連遇上兩次交通意外，令頸骨受損，更因要趕拍劇集令他無暇治療傷處，只能靠針灸紓緩神經，也不敢做運動怕再次傷及患處。近日陳鍵鋒為重建體魄，趁空閒開始玩健身外，日前更在公園大顯身手，表演他最愛的Rollerblade。
陳鍵鋒說：「我一向都好鍾意玩RollerBlade同做運動，但之前因為整傷咗，有半年唔可以做太劇烈嘅運動，𠵱家好番晒又有時間，都想keep番住身體。」
陳鍵鋒有份主演的劇集《我師父係黃飛鴻》剛推出，原來該劇是他首次剃頭參演清裝劇。陳鍵鋒談到對收視的期望時說：「我梗係期望好啦，我自己會捧場同錄起佢，希望今次畀到唔同感覺觀眾，因為之前電影同電視都已經拍過好多次，而且我哋今次係一班新人新組合去演，應該會有新鮮感。」
不過《我》劇網上宣傳的演員陣容中不見陳鍵鋒的名字，有被無綫忽略之嫌，幸好未有影響他與劇中演員間的友誼，陳鍵鋒說：「我哋咁大個人好明白事理，同黃宗澤、李彩華佢哋好好傾，唔會因為呢啲嘢而影響咗我哋。」他又透露未來兩個月會主力拍攝電影及灌錄唱片。
採訪：卓寶花攝影：陳慧安
