日本性感女星熊田曜子憑住36F嘅激凸身材，經常為日本電視台綜藝節目擔任嘉賓，又幫電台主持節目，迷倒唔少男fans。近日人氣急升嘅熊田應邀為最新一期日本雜誌《BOMB》拍攝寫真，重喺新寫真入面大玩「住家feel」，令fans覺得更加親切。
清晨鬧鐘一響，爛瞓嘅熊田唔單只唔肯起身，重瞓喺床上不停咁睇手提電話短訊。刷牙洗面之後，熊田依然猛打呵欠，似乎睡意未消，所以佢決定走入浴室沖個涼醒醒神。
着住金色三點式嘅熊田全身搽滿番梘泡，相信fans睇到咁性感誘人嘅熊田，精神已經為之一振。經過一輪化妝扮靚之後，熊田匆匆趕到寫真拍攝現場，佢着上一件鮮黃色三點式，又喺車入面跳跳紮冇時停，非常活潑。過咗一陣，熊田形象一轉，換上一件非常搶眼嘅紫色比堅尼襯皮草，以成熟野性形象示人，大晒佢嘅豐滿身段。最後，熊田換過件衫，又喺鏡上用唇膏寫上「Iloveyou」，大膽向fans示愛，熊田咁鬼識做，男fans當然冧晒啦。