由美籍華人精英組成嘅「百人會」噚日搞咗個研討會，齊齊唱好宣傳大中華。好多商界猛人都畀面陳啟宗參加，包括行政會議成員查史美倫、就快做滙豐主席嘅鄭海泉同利豐嘅馮國經等等。Laura（查太英文名）話，老董全面檢討咗過去做得唔好嘅地方，相信佢未來兩年半會做得好啲。唉，呢句真係廢話，唔通入咗行政會議就變成咁？
鄭大班做咗高人，講嘢亦小心翼翼，佢話老董今次其實都唔算認錯，只係一次「反省」啫，但政府有勇氣查找不足係應該支持。呢句又係廢話。
曾經寸老董「揦屎上身」嘅陳啟宗，今次幫老董話，唔好將啲嘢賴晒畀老董，舉例咁講，香港咁多人負資產，總會有兩三個睇唔開自尋短見，香港整體情況算係咁啦，「Singlecaseisnotreality」！
傳真︰2623-9278
電郵︰