唐寧拍攝電視劇《天涯俠醫》後，因為角色形象健康，獲得纖體公司垂青，取代應采兒的位置成為代言人，纖體公司還特別厚待唐寧，不用她穿着三點式泳衣拍攝，只要求她以健康形象示人。
唐寧近日成功接了一個纖體廣告，之前該廣告是由應采兒任代言人，今次由唐寧取代，原因是纖體公司看中唐寧於電視劇《天涯俠醫》中的健康形象。
唐寧日前接受電話訪問時說：「纖體公司好好，佢哋為配合我嘅形象，唔需要我着泳衣，只係要我着得健康就得，我諗應該係背心短褲。」問她可會覺得自己取代了應采兒的地位，唐寧說：「唔可以講取代，唔關事囉，佢哋係睇中我嘅形象。」
目前體重只得九十二磅的唐寧希望藉機會改善身形線條，她說：「我本身唔算肥，只係條腰冇線條，所以希望可以有番條腰出嚟。」問她可有擔心瘦身連胸部也縮小，她笑說：「唔瘦身都冇㗎啦。」
不過唐寧亦沒有想過豐胸，她笑說：「豐胸唔會，我唔係講話好滿意，但好安於現狀。」
唐寧還表示自己平時並不會刻意節食，只是較喜歡清淡食物。
而早前因為拍攝電視劇《戀愛自由式》更令她無法抽身，愛上了游泳。假若纖體公司要求她着三點式的話，問她可會介意，唐寧則表示一切交回經理人公司決定，她說：「如果出鏡嘅話會比較怕醜啲，我最性感都係拍《戀愛自由式》時着泳衣，不過我覺得最緊要健康。」
採訪：馮美茵
攝影：陳慧安
髮型：JamesSin@Lobby
化妝：MeeganSeak@MaeVONMakeup
服裝提供：dada（海港城）
場地提供：ELNCIDSpanishRestaurant
