吳日言和侯莎莎昨日在又一城為化妝品牌植村秀擔任模特兒，示範○五年春夏推出的主題彩妝—─「嫣幻流光」，二人在嚴寒的天氣下僅穿上雪紡薄紗裙，十分抵得冷。
吳日言化了一個底妝才到場，侯莎莎則以真面目示人，化妝前後判若兩人，侯莎莎說：「每個人落妝之後都有番自己個樣，所以應該要面對。」
吳日言則自爆兒時非常貪靚，曾試過叫鄰家的小朋友幫她往藥房買了一支粉底，還將自己的俏臉弄到白色一片，吳日言說：「嗰時得五、六年班，後尾唔識落妝，重攞咗支牙膏洗面，因為嗰時只知牙膏有清潔作用，我重試過攞牛奶敷面後，將碗牛奶放喺枱面，後尾爹哋唔知重攞咗嚟飲！」
採訪、攝影：MaggieFung