鄧永鏘、莫文蔚和何超瓊等前晚往中環出席美國運通卡（AE）活動，鄧永鏘一方面表示由綠至黑色的AE卡均擁有，另一方面又笑言信用卡是最腐敗的發明，他透露早前其妻的信用卡被盜用，但他卻沒有報失，因為遭盜用的金額遠不及其妻的花費多。
鄧永鏘、何超瓊、莫文蔚及張天愛等人前晚往中環國際金融中心Red，出席美國運通卡活動。鄧永鏘前晚甫到場即識趣地從銀包掏出他的AE卡來供記者拍照，他說：「呢隻信用卡我有五張，由綠至金至黑色都有。」
鄧永鏘透露早前有信用卡公司致電通知他，其妻的信用卡被盜用，鄧永鏘即回答：「我知吖！」問他為何不即時報失？他竟說：「因為個賊盜用我老婆張卡嘅金額，都唔及我老婆平時碌嘅數。」
鄧永鏘又表示有給附屬卡讓兩名子女用，他說：「我set咗limit畀佢哋，一個月只可以用八百英鎊（約一萬二千港元），加上佢哋喺英國有屋住，又幫佢哋交埋學費，已經好夠啦，不過𠵱家啲細路好唔知足，重同我講話一到年尾多節日時唔夠錢用，所以我認為信用卡係全世界最腐敗嘅發明，因為唔易控制。」
而擔任活動表演嘉賓的莫文蔚則表示擁有兩張信用卡，問她可曾收過男人送的附屬卡？她說：「咁肉酸，𠵱家邊興㗎！做咗人太太收附屬卡就唔拘。」
另外，張天愛透露將在北京及上海籌劃大型才能比賽，會忙個不了，問她何時「造人」？她說：「我同老公時間唔夾，佢又要拍戲，同埋早前我個女嘉倩帶埋隻狗嚟我屋企住，要照顧細路同狗都好費神，我老公都話呢排怕咗細路。」張天愛又大讚女兒嘉倩乖巧，她說：「個女話一定唔會入娛樂圈，畢咗業想做慈善工作。」
採訪：RitaLeung
攝影：RickyChan
