女子組合Cookies、楊洛婷和鄧萃雯等前晚錄影無綫節目，抱恙上陣的Kary和楊洛婷玩遊戲期間，不慎跣倒坐在地上，春光乍洩露出股罅。Kary輸了遊戲又走光，難怪她大呼：「好唔抵。」
四人女子組合Cookies、楊洛婷、鄧萃雯、譚小環和劉浩龍等，前晚在無綫將軍澳電視廣播城錄影節目《曼佳美慳電大膽笑》。
節目安排藝人玩插電插蘇頭遊戲，各人腰間繫上橡筋，然後一個拉一個的走上斜坡，把巨型道具插蘇插好。玩遊戲期間，穿上低腰褲的Kary和楊洛婷失平衡跌倒坐在地上，不慎露出股罅。
抱恙上陣的Kary知道自己走光時，顯得很驚訝，她說：「唔係嘛，好大鑊，我唔知噃，下次都要着高腰褲，其實我有啲唔舒服，都唔想玩遊戲，後來嚟到咪一齊玩，輸咗又走光，好唔抵！」
而Stephy玩遊戲時則比Kary小心，她為了防走光，不時以手部按着胸口位置，她說：「我都估唔到呢個遊戲會咁易走光。」
此外，劉浩龍投訴另一隊綁在腰間的橡筋較短，比較有優勢，他又自爆玩遊戲時弄傷腳，他說：「我都俾人踩親腳趾，唔知係咪爆甲，希望冇事啦！」
採訪：楊潔雯 攝影：陳慧安
