英國嘅《金融時報》，噚日個社論就罕有咁叫老董落台，為老董嘅施政報告「贈興」。社論話，如果老董係一間公司嘅CE（行政總裁），而唔係特區嘅CE（行政長官），相信佢一早就俾董事局炒魷，而如果香港唔換個掂嘅領導，就算食住大陸發展條水，一樣都唔會有咩經濟增長。
不過，老董一味面皮夠厚，你話佢唔掂，話佢係跛腳鴨，係北京傀儡，叫佢早啲收工，佢就話好正，重話今年香港經濟雖然冇舊年咁好，但係都會好唔錯，又話已經控制到開支。至於佢嘅任期，就自己仍然以兩年半為終點，重話已經學精咗，社會上短期內難有共識嘅嘢，就唔會寫喺施政報告裏面。
佢重話，自己呢幾日好唔得閒，所以未諗搵邊個代林煥光特首辦主任個位。至於新聞處處長蔡瑩璧，就預先講明自己鍾意做公務員，即係唔想做林煥光個大跟班位。
傳真︰2623-9278
電郵︰