陳奕迅、容祖兒和吳鎮宇前晚齊齊出席新片《神經俠侶》首映，在片中扮演癲佬角色的吳鎮宇口沒遮攔，竟然指入場看他扮癲的觀眾是神經失常，認真「倒米」。
陳奕迅（Eason）、容祖兒（Joey）、吳鎮宇、官恩娜、田蕊妮和影壇新人雪菲等，前晚齊到銅鑼灣出席新片《神經俠侶》首映，姍姍來遲的吳鎮宇甫到場即被觀眾報以噓聲，其後他還口沒遮攔亂講說話。
吳鎮宇在《神》片中扮演一名精神病患者，他笑說：「我喺戲裏面扮儍佬，有精神病，有人重揸住戲飛入場睇個精神病，佢哋係咪重精神病過我？」明顯「倒米」。而他解釋遲到原因時說：「我諗差唔多時間，點知遇到塞車，我又啱啱喺杭州返嚟，好多嘢要準備，遲啲要返內地拍劇，七月會同黃子華搞舞台劇。」
而準新娘田蕊妮表示前日其父母已跟杜汶澤的家長見面，她說：「我都冇聽到幾多禮金嘅問題，要問番阿澤。白龍王會幫我哋擇日，農曆新年後結婚，而阿澤嘅哥哥會農曆新年前結婚。」問田蕊妮最想阿澤為她做甚麼時，她說：「我想叫佢唔好再結多次婚，結埋呢次就夠嘞！」
至於Eason則透露稍後會盡快推出新唱片，對於樂壇出現「新四大天王」，他說：「唔需要有我份，最好大家努力做多啲好歌，樂壇百花齊放。」而Joey表示不擔心《神》片票房，問她可有想過成為影后級人物時，Joey說：「冇可能，演戲同唱歌都講天份，我都慶幸有人搵我拍戲。」
此外，大會前晚安排了一個繪有人體神經線的紙板圖，讓眾演員在板上拮針寓意票房大收，官恩娜竟刻意選擇在人體圖的敏感部位下針，十分鬼馬。
採訪：馮美茵
攝影：何國豪
