鄭中基與Twins成員蔡卓妍（阿Sa）被傳相戀三個月，二人前晚同於上海出席頒獎禮，談起此事時句句有骨，對傳出緋聞諸多不滿。阿Sa更表示對意中人大感失望。
鄭中基與阿Sa早前傳出相戀後，近日有雜誌直指二人拍拖三個月，更曾拖手出席朋友的生日派對，向友好公開戀情。前晚兩位緋聞主角都在上海國際體操中心出席ChannelV的《第十一屆全球華語音樂榜中榜》頒獎禮，擔任表演嘉賓，鄭中基與RichardMarx合唱，阿Sa則與拍檔鍾欣桐（阿嬌）及Boy'Z表演。本來大會安排眾歌手及嘉賓下榻場館旁邊的美倫賓館，但鄭中基卻改住場館附近的波特曼酒店，似乎刻意避嫌。鄭中基經理人公司陳小姐表示，鄭中基是配合RichardMarx才入住該酒店。
鄭中基與阿Sa前晚接受訪問時又齊聲否認戀情，還句句有骨，提到拖手出席派對，鄭中基激動地說：「黐線！完全冇去過，我哋有食飯，但都係拍完戲後嘅事。」問他與阿Sa有否發展機會？鄭中基說：「唔好搞我啦，我怕咗拍拖，好多嘢要搞，邊有時間呀！」問鄭中基對阿Sa印象如何？是否其理想對象？他說：「好女仔囉，我冇乜要求，我冇條件，要求人啲乜嘢？」
阿Sa談到戀情時卻有點發晦氣，她說：「幾時有去人哋Party呀？冇去點拖手呀？我哋唔係拍拖，朋友啫！」阿Sa謂在後台有與鄭中基打招呼，問她覺得鄭中基如何？她語帶雙關說：「話好你哋又話我啱，我又冇理由踩朋友。我要鄭重聲明，我唔會主動㗎，見到鍾意嘅人都會主動同佢講，但要知對方鍾唔鍾意我先囉！」阿Sa早前曾公開表示喜歡了一位圈中人，但她前晚卻大歎對意中人失望，她說：「唔好講喇，幻滅咗，我見到佢啲衰嘢呀。成日咁傳，搞到我冇人追喇！」
前晚頒獎禮結束後，鄭中基與工作人員返酒店放下行裝，之後到酒店對面的酒家醫肚，席間鄭中基喝了少許啤酒，邊吃邊說笑，看來心情大佳，飽餐後便返酒店休息。
另外，另一對緋聞情人周杰倫與蔡依林前晚亦被迫供，周杰倫被問到何以不與蔡依林一同行紅地氈，他說：「我又不是跟她住同一個房間，為甚麼要一齊走？」問他喜不喜歡蔡依林？他說：「我蠻欣賞她的！」
採訪、攝影：曾小嘉、娛樂突發組
