港美股市難兄難弟，杜指周二險守50日線收市，報10556。
過去7個交易日，紐約期油由41美元水平急升至周一的47.30美元，前日雖見獲利回吐，但跌至45美元又見反彈，昨日在46美元附近徘徊。
近期油價的走勢顯示，部份資金似在股市流出，重新投入炒賣期油，如果屬實，將不利股市發展。形態上，杜指近似營造複式頭肩頂的走勢，令人看得十分不舒服，若杜指50日線失守，真要提高警惕。
濠賭股前日跌勢未完，昨日早市繼續急瀉，拖累恒指初段最多跌過157點，低見13352，淡友可能見7日唔夠有1千點水位，亦開始平倉食胡，在期指帶動下，港股扭跌為升，報13565，升56點，若由低位計，則反彈213點，幅度不算小。
恒指短線反彈之勢或可持續，但估計13800不易破，趙飛雲仍維持候恒指升近13800不破，買恒指Put輪的部署。至於前日建議伺機吸納長實（001）Put輪的部署亦不變，長實早市曾跌落70.75元，跌1元，其後跟隨大市反彈，最後倒升1個位，收72元。現時長實50日線在72.67元，若升近不破，可買Put輪3586或4583短炒。
同系和黃（013）昨稍穿50日線（67.81元）即見反彈，最後倒升0.75元，收69.25元。和黃現時是唯一未跌穿50日線的大藍籌，近日超人仍有入市增持，前日亦有德銀唱好，將目標價由70元調高至82元。
和黃現時成為大市的領導股，主要是大行轉軚睇好3G前景，但趙飛雲有個疑問，以前大行睇得太悲觀，如今會否過份樂觀呢？大家若有時間，不妨做定功課，睇吓和黃Put輪邊隻值得買，或有意外收穫。
趙飛雲