老董噚日去立法會宣讀施政報告，人未開口就俾長毛玩示威打窒咗，搞到幾冇癮，不過佢夜晚出席美國傑出華人組織「百人會」嘅晚宴，捧老友陳啟宗場，終於可以暢所欲言。百人會會員個個都好有份量，噚日出席活動嘅包括港大校長徐立之、中大校長劉遵義、科大校長朱經武等等。
老董用咗成半個鐘向班外國人介紹香港有乜好處，又硬銷施政報告內容，聽到八方都有啲悶，但佢講講吓忽然真情剖白，講佢做特首嘅感受：「如果有人問我有幾鍾意做行政長官呢份工，我會忠告其他人唔好做特首。」唔知唐唐、亞瑟王、煲呔曾、田少聽到呢句忠言有乜感覺呢？
（圖）陳啟宗（左）陪同朱經武出席「百人會」。
傳真︰2623-9278
電郵︰