「嗰日嘅痛苦一生難忘」
偉仔、小齊溫泉激戰煮熟

梁朝偉與任賢齊拍新片《韓城攻略》一場溫泉打鬥戲，兩人都拍得叫苦連天，因他們為禦寒，特別穿上潛水衣拍攝，豈料導演怕他們會着涼，一早命人提高溫泉水溫度，弄得兩人幾乎被煮熟。

梁朝偉、任賢齊與舒淇演出的新片《韓城攻略》除了有靚人靚景，亦不乏打鬥場面，該片導演馬楚成為了增加打鬥的難度，決定安排一段溫泉激戰戲。偉仔與小齊在水中打至上氣不接下氣，忍不住要投訴導演大整蠱。

着定潛水衣打底
原來拍攝該場溫泉激戰戲前，導演擔心天氣太冷，偉仔和小齊在水中太久會着涼，所以一早命工作人員提高溫泉水溫，豈料兩位演員自作聰明，一早穿了潛水衣打底防冷，結果偉仔和小齊在水中熱得十分辛苦。
偉仔笑說：「我要投訴導演太好人，嗰日我哋要拍攝溫泉打鬥戲，氣溫只有兩三度，我同小齊都着咗潛水衣打底，但導演太好心，佢擔心我哋落水後會凍到手腳冇辦法郁動，叫人將溫泉水嘅溫度提高，但最後我同小齊差啲被煮熟。」
偉仔拍戲多年從未試過如此辛苦，他說笑：「嗰日嘅痛苦係我一生難忘，因為真係好難受，根本唔能夠單憑幾句說話就可以形容，如果一定要我形容，我唯一可以講嘅係『恐怖』，好彩拍出嚟效果都唔錯。」

「熱到手腳麻痹」
而小齊拍攝後亦忍不住笑說：「溫泉水嘅溫度有四十五度以上，起初落水都唔覺水溫太熱，但浸耐咗，加埋打鬥戲郁動好多，每拍完一個鏡頭，我都覺得好似唞唔到氣咁，所以我都要即刻除低件潛水衣，但感覺重係好熱，啲手腳都麻痹埋，到上水時又凍到手腳僵硬，一冷一熱，終於搞到傷風同虛脫。」