除咗早前賭王飽和論之外，阿爺又話關注賭風，澳門賭業股冇法唔出現小股災。
噚日話未傾得成買酒店的廣益（530），先前熱炒的英皇中國(2955)、嘉華建材（027）同埋奧瑪仕（959），跌幅均以幾成起計，睇落真係觸目驚心。
經紀陳又有高見，佢話濠賭股由舊年炒到𠵱家，好多炒家獲利極豐，除非係近日手痕買番轉頭，先至會有機會輸錢，但散戶若在最近先至追入，就難免係傷亡慘重。
另外，早排曾經急跌，但好快回升的中國燃氣（384），自從中石化（386）入股單交易完成後，股價一直穩步上揚，噚日又有歐資行出報告推介中國燃氣，重set到個目標價喺1.50元樓上咁高。
中國燃氣噚日逆市上升，最高見1.23元，收1.20元，升5.26％，成交股數有1.22億股，金額1.46億元。
中國燃氣去年多次集資，又配股又配輪，但江湖近日傳聞，話佢可能再配股引入策略性投資者。
慕容小初