1970年，adidas的Superstar誕生，成為了波鞋史上的一大經典。04年日牌Bape以Superstar為藍本推出了Superapestar更成了炒鞋界的經典作，Superstar頓時成為潮鞋。05年Superstar足35周歲，adidas更為Superstar推出了一系列35周年版本，當中最為矚目的當然係日牌NBHD版本，經過抽籤後經已名花有主。買唔到的亦毋須無心機，因為Superstar周年版會共推出35對，第二炮的CitiesSeries亦經已到港，今次adi迷喜訊係毋須抽籤，但全港分配亦只有70對，可謂極限量！ 記y
記者：李崗華
攝影：黃子偉
香港配給70對
今次到港的Superstar35周年特別版名叫CitiesSeries，顧名思義係以城市作為主題，以七個大城市為題，當中包括東京、巴黎、布宜諾斯艾利斯、柏林、紐約、倫敦及波士頓，每對鞋都會以該城市的特色圖案及用色來設計，可算是每個地區的特別版。雖然為限量版，但香港今次就配給到每款70對，等大家唔使爭餐飽。（各$800/1月5日發售）
Boston
鞋身滿布代表愛爾蘭人的綠色樹葉圖案，原因係波土頓的城市徽號就係以此樹葉作標記，而鞋身的綠色更係波士頓的城市顏色。
DetailsCheck
Tokyo
雖然日本的東京予人一種大都會五光十色的感覺，但今次呢對東京版Superstar就用上全黑設計，可能係日牌多愛用黑色的緣故，再配以烏鴉這種經常於東京出現的雀鳥作圖案。
DetailsCheck
Paris
巴黎這個地方係公認充滿浪漫色彩，但巴黎版Superstar只用上代表法國王室的花朵圖案徽號，作鞋身圖案，再配以藍紅色，雖然不甚浪漫，但就有法國以往於戰場上的氣勢。
DetailsCheck
NewYork
紐約版Superstar，以紐約市內最著名的地方作其主題，於鞋身分別印有StatenIsland、Manhattan、Brooklyn、Queens及Brons這五個知名的地區。而紐約又名大蘋果，鞋身內當然有出現。
DetailsCheck
London
英國的倫敦充滿大英帝國的霸氣，這對倫敦版Superstar亦係一樣，鞋身用上英國國徽作圖案，再加上紅白的用色，令人遠處亦睇到呢對Superstar係代表倫敦。
DetailsCheck
Berlin
唔講唔知，柏林這個位於德國的首都係以熊仔作其城市徽號，而呢隻熊仔更係於1280年經已出現，所以對柏林版上布滿熊仔圖案，女仔見到實嗌Cute。
BuenosAires
就咁睇個名，唔係好知係邊個國家的城市？BuenosAires即係布宜諾斯艾利斯，即阿根廷的首都，所以鞋身用上阿根廷的國旗淺藍色作主色，再配以阿根廷國旗中央的太陽圖案，整對鞋予人一種很開心、陽光的感覺。
售賣點：J-01（28080501）
銅鑼灣百德新街57號地舖