代理開豐田近40年的皇冠車行早前舉行05年首個汽車傳媒聚會，不過筆者睇嚟似代理商祝捷會多啲，事關席間代理宣布往年業績，私家車連帶商用車在港共售出11,027部，都咪話唔厲害！
筆者翻查資料所見，唔計皇冠旗下商用車如Hino貨車、Hiace貨Van、Coaster小巴同皇冠的士合共的4,126部，單係豐田去年就經已賣出5,256部新車，可算係冠絕同儕！咁你又可否猜得到，至受歡迎的豐田車系是那一款呢!?若然你認為是Corolla的話就大錯特錯，皆因筆者常提到香港RV及MPV車熱潮方興未艾嘛！原來去年豐田Picnic車系，整年共售出1,401部，較Corolla的1,095部還要多出306部，難怪代理商飲得杯落！
記者：陳偉林