日本性感女星若槻千夏最近主持日本賽馬節目，令佢人氣急升，咁啱佢今年慶祝二十歲成人禮，所以前日佢去到東京世田谷馬事公苑拍攝成人式紀念寫真。 當日若槻千夏着咗套好鬼靚嘅和服，拖咗隻英明神武嘅馬匹出嚟影合照，非常配合當日嘅天氣。問若槻成年之後有乜嘢願望時，若槻竟然話：「我最希望可以練好啲酒量，成為一位好飲得嘅女人！」