渣打銀行「鍊贏」滙豐控股，成功收購韓國第一銀行，出價合唔合理見仁見智，但就肯定係渣打踏入○五年第一件喜事。滙豐○五年伊始就喺爭奪戰上敗一仗本來都冇所謂，最慘噚日重俾渣打搶多次胡。
話說滙控旗下嘅滙豐投資管理噚日開記者會，講有關今年嘅投資展望，記者會喺晏晝三點開始，吸引各大傳媒採訪，氣氛好好。點知開始冇耐，傳媒行家手提電話接連響起，跟住班記者就開始陸續抆咪、收隊、走人；枱面由原來七、八支咪，到最後竟然一支不剩；滙豐投資管理亞太區行政總裁裴布雷由面露尷尬笑容，到最後木無表情。原來班行家收到柯打，話渣打四點鐘會講收購韓國第一銀行單交易，所以要過檔去隔籬渣打總行，唔好意思都係咁話。
傳真︰2623-9278
電郵︰