林煥光辭職震撼全港，特首辦主任傳聞被架空咗好耐，林主任長期嘅工作，變咗以回應報章評論為主，喺呢方面有才子之稱嘅陶傑，就好榮幸咁因批董而俾林煥光點名回應咗兩次。
八方問才子，點解林主任數落咗佢兩次都唔反駁呢？陶傑沉默咗五秒之後話：「作為一個創作人，對文字影像都好敏感，乜嘢係有汁入味，乜嘢係求其郁兩吓交行貨，一睇就知，林煥光佢回應我嘅文章，寫得好求其，字裏行間根本係講緊畀你聽佢喺度敷衍緊上司，完全官樣文章夾冇Point，我睇咗之後好同情佢處境，因為字裏行間佢好似心事重重，再反駁佢，咁重係人嚟？」
才子跟住語帶哽咽：「我當時喺專欄呼籲阿董落台，話佢唔啱做特首，都係為董生好，睇吓𠵱家嘅局面？邊個愛護董生，邊個想害佢，時間可以證明一切。」講到女主角布穎琪，才子就大讚佢聰明叻女英文好，重好有義氣㖭！
傳真︰2623-9278
電郵︰