日前有報道指身兼電影《我亞媽發仔瘟》監製和老闆的楊盼盼跟薛家燕（好姨）不和，楊盼盼昨日在太子狂數好姨一小時。楊盼盼暗示好姨是放料者，向傳媒發放不利《我》片的消息，她說：「咁踩法，邊個睇呢部戲？自己人踩自己人，冇晒專業精神。」
不過楊盼盼最不滿是好姨以廣告代言人身份有牴觸為由，缺席《我》片宣傳，楊盼盼拍枱說：「呢啲係託辭，合約寫明演員要做宣傳，如果佢身上咁多product就唔好接我部戲，一年簽死唔好出嚟拍戲，冇WilliamHung拍住你，點會有咁多廣告。」
問楊盼盼會否跟好姨當面對質，她說：「唔會，我講埋今次唔會再講，我唔會為不知所謂嘅人再講任何嘢。」而目前在新加坡的好姨昨在電話中說：「我人唔喺香港，我會了解咗先，當中若有誹謗成份，我唔排除法律追究。」
採訪：駱華齡
攝影：葉君海