田少用咗萬幾蚊，租咗粉嶺火車站隔籬個商場一個舖位做地區辦事處，個辦事處噚日開幕，成個自由黨差唔多傾巢而出，副主席劉健儀重帶埋個仔劉偉釗嚟湊熱鬧。十九歲嘅阿釗喺美國讀電影，Miriam話，等佢個仔讀完大學返嚟，一定會踢埋佢入黨！
自由黨嘅楊孝華同張宇人，都會喺個辦事處掛單，聲稱幫田少做地區服務，會唔會幫口繼續唱衰曾蔭權就唔知，不過張宇人居然揚言，下屆會考慮去九龍西選直選，重好大口氣咁講，如果佢去選，啲中產唔通會再選劉千石咩？講到自己好似田少一樣贏硬咁。不過，講就天下無敵，香港人聽到慣，想直選贏，幫田少插多兩嘢煲呔吖。
（圖）田少（右四）同張宇人（右）、楊孝華（右二）嘅辦事處開幕，一班高班畀面到賀。
傳真︰2623-9278
電郵︰