跟咗前主席江澤民五年嘅家廚彭高發，剛嚟香港喺詠藜園做廚師，一做就三年；彭師傅話佢係經內地優才計劃嚟港，而江某肯割愛係因為佢同詠藜園老闆都係江蘇人。彭師傅首要任務，係做今日開始為期十日嘅「愛心國賓宴」，每圍二千九百八十八蚊，全數款項都會捐去賑災，老江有冇因念舊而帶頭捐就唔知咯。
彭師傅又話，江老同夫人（梗係王冶坪喇）食嘢好清淡，鍾意食燉獅子頭，對下屬好好，有次重叫彭師傅一齊食飯：「他當時仍是國家主席，我們怎敢呀。」最後彭師傅都有食到嗰一餐，江總重親自為佢同其他工人裝飯㖭。
裝飯係舉手之勞，但江老係國家主席肯咁做，又真係幾識得人心，最少令下屬記一世，阿胡想學嘢，記得同啲北京秀水街小販狂裝飯嘞。（愛心國賓宴訂枱電話：23206430）
（圖）彭師傅負責主理今次愛心國賓宴，當年佢兩公婆（後排）一齊同江澤民夫婦（前排）合照。
傳真︰2623-9278
電郵︰