組合Twins、Boy'z、梁洛施（Isabella）、房祖名等昨日出席於大埔運動場舉行的「大埔職安健由我做起大匯演」，昨日的活動是宣傳職業安全，但活動未開始前，早上卻發生小意外，有三名工作人員站在布景板後準備紀念品時，突被風吹塌的布景板壓倒，最後要送院，幸好只是皮外傷，現時他們已出院。
問到Twins上台時會否特別小心？阿Sa說：「我諗個活動開始得，都應該冇問題，我哋上台前都會問吓有冇煙花或者紙炮，因為會對呢啲特別小心，阿嬌就試過俾煙火燒穿咗件衫。」
此外，Isabella昨日除了露臍外，還穿上短裙露出修長美腿，但她卻顯得渾身不自在，她說：「其實有啲唔慣囉，我唔想露咁多，我嘅要求一係露腰一係露腿，如果兩樣都露，我覺得太多，搞到我好唔自然。」
採訪：胡比 攝影：仇志德
