南亞海嘯大災難喚醒全世界要守望相助，無意之間幫咗老董一把，喺布吉大難不死嘅李永達同班民主派忽然話元旦唔遊行住，老董當堂舒一口氣，事關現時特區政府最擔心嘅就係遊行。
不過，達仔講明只係押後，唔係唔遊行，於是同民陣一齊又擇咗二十三號再上街。香港人視遊行家常便飯，北京就視為洪水猛獸，因為影響穩定嘛。八方問達仔點解一定要上街？佢話爭取○七○八直選係大是大非問題，加上煲呔唔知搞乜鬼，立法會過咗梁家傑反西九單招標動議，佢都死頂話：「恕難從命」，咁都一樣，「恕難從命唔上街啦！」
胡溫一有機會就向深圳廣東官員訓話，叫佢哋同香港合作，目的想幫老董手壓住個場，但係始終冇乜用，所以話忍到三月之後，北京唔知重忍唔忍得到呢？
傳真︰2623-9278
電郵︰