瑜伽女生躍進初體驗

其實，Ingrid在今次這個「濃縮版」瑜伽班，先教導六名中學生一些最簡單的呼吸心法，如測試左右鼻孔呼吸是否一樣順暢，之後便進行熱身，再做了幾個可鍛煉肌肉力量的基本動作；雖然動作不大，但做了片刻，她們已經開始氣喘如牛，可見瑜伽運動量其實不低。
最後，Ingrid關掉課室內的燈光，讓學生在一個寧靜及輕鬆環境完全放鬆自己。

「拉完手腳鬆番晒」
初次接觸瑜伽的Patricia說：「以前差不多每日有游水，亦經常拉筋，今年升中六後因為工課忙，十一月開始停咗游水；到今次初次做瑜伽先至發覺手腳已經變得好緊，拉完即刻鬆番很多。」

「身體柔軟度改善」
學過三個月瑜伽的Elaine表示：「早前跟媽咪去學瑜伽，學了幾個月後，身體柔軟度有明顯改善，每次做完身體都會好鬆，精神亦好咗；𠵱家讀書冇咁易眼瞓，亦比以往更加集中精神。」

「覺得個心好靜」
同樣是初學瑜伽的Eunice表示：「做完拉筋動作，瞓響度休息，覺得個心好靜，全身都冇之前咁緊，感覺好舒服，重可以感受到佢做瑜伽所發出的熱力。雖然動作唔大，但每個動作都要用力，運動量唔低。」