何韻詩昨日在尖沙嘴義賣新碟，所得善款全數撥捐《蘋果日報》的「亞洲地震及海嘯救災基金」，除了fans一早排隊等候買碟外，梅艷芳生前經理人王敏慧亦專誠到場，而阿詩另一友人Dior高層Peter更購買了一百隻碟！
何韻詩為了幫助海嘯災民，決定將其新碟《艷光四射》昨日在尖沙嘴HMV的賣碟收入，全數撥捐本報成立的「亞洲地震及海嘯救災基金」，一班熱心歌迷和市民均踴躍響應，更有歌迷一買再買。
而何韻詩好友、梅艷芳生前經理人王敏慧亦有到場支持，阿詩的另一位好友、ChristianDior高層Peter更即場購買一百隻碟。
其中三名阿詩的忠實fans，昨早十時已在唱片店門外排隊，歌迷Crystal說：「因為今日做善事，所以今日我哋先買阿詩隻碟，我哋都忍咗好耐，今日先有得聽。」
阿詩為了答謝歌迷，遂舉行簽名會跟二百位購買了唱片的歌迷作近距離接觸，無論簽名還是合照，均有求必應。阿詩說：「我之前都有同啲朋友同歌迷講今日係義賣，叫佢哋一定要支持，今日咁多人嚟我好開心。我要多謝我公司同老闆，幫我搞今次嘅義賣新碟，同埋我希望《蘋果》基金可以將啲錢捐去樂施會，因為我之前都有跟樂施會去做探訪，知道佢哋點樣去用啲捐款。」
阿詩對於在頒獎禮上的成績，顯然有點失望，她說：「其實我知道自己冇獎，都有返屋企問自己點解，係唔係我今年成績比唔上其他人，不過我自問過往一年已經做到最好，我係有進步，不過冇所謂啦。我出到今次隻碟好開心，有歌迷話聽咗感動到喊，我做呢隻碟嘅時候都好感動。」
採訪：駱華齡
攝影：葉君海
